Ramallosa Musical

Mestre promotor do proxecto

Este Proxecto de Percusión Tradicional Galega, nace coa idea de darlle a presenza e relevancia que se merece á nosa música e cultura.

De xeito que os escolares do Ensino Público regrado, vivan de primeira man a riqueza instrumental que temos como pobo, e a felicidade que nos pode producir tocar un destes fermosos instrumentos .

Sen perder de vista, a grandísima importancia de seguir mimando e conservando as nosas tradicións de xeración en xeración.

Para isto, a parte do traballo nas clases presenciais semanais, contaremos coa axuda online dalgúns dos mellores músicos do noso país. Os vídeo-titoriais de grandes como; Xavier Díaz, Vanesa Muela, Sergio López, a ETRAD de Vigo...

E por suposto, tamén as miñas humildes aportacións á causa!

Agardo que todo este material didáctico, vos axude a avanzar nas vosas aprendizaxes e resolver todas as dúbidas que poidan xurdirvos durante o voso "traballo individual" co instrumento/s na casa.